Мындан алда Эресей Федерацияны Президенти Владимир Путинни Шимал Кавказ Федерал округда Толу эркинликли келечиси Александр Матовников эмда округну субъектлерини башчылары, Дагъыстанны ара шахары Махачкъалада, «Россия - моя история» деген тарих паркны джеринде, медиа-тюбешиуге джыйылгъан журналистле бла пресс-конференция бардыргъандыла.
Ол ишни Дагъыстан Республиканы Правительствосу, Эресейни ТАСС информацион агентствосу, РФ-ны Президентини ШКФО-да Толу эркинликли келечиси эмда Эресей Федерацияны Шимал Кавказны ишлерини юсюнден министерствосу къурагъандыла.
Тюбешиуню Александр Матовников ачыб, кёбчюлюк информация мадарланы баш иши, Кавказны иги джанындан кёргюзюу болгъанын айтханды.
Аны тышында да Толу эркинликли келечи эндреуюк (декабрь) айны 19-да къралыбызны Президенти бардырлыкъ пресс-конференцияны юсюнден журналистлеге былай айтханды: «Сиз Шимал Кавказны юсюнден соруу сорсагъыз иги боллукъ эди. Биз болгъан санагъатланы юслери бла да Федерал аралыкъ бла хаман да къысха байламлылыкъ тутуб ишлерге керекбиз».
Александр Матовников журналистлени, Шимал Кавказда конфессия эмда миллетле арасы болумну юслеринден тюз, иги хапарла джазыб турургъа чакъыргъанды. Ол айтхандан, бир къауумла болумну къалтыратыргъа кюрешселе да, «Эресейни эм кёб миллетли округу мамырлыкъда, рахатлыкъда, къарнаш шохлукъда джашайды».
«Бизни округ къралда ауур аманлыкъчылыкъны тизиминде эм артдады. Шимал Кавказ эм къоркъуусуз джерди, ол кертиди. Аны регионал, федерал дараджада да уллу магъанасы барды. Бу джаны бла сиз да иги юлгюлени джазгъанлай, кёргюзгенлей, адамлагъа билдиргенлей туругъуз», - деб чертгенди Александр Матовников.
КъЧР-ни Башчысы Темрезланы Рашид да журналистлени сорууларына джууаб бере, бизде миллет проектле джашауда къалай толтурулгъанларыны юсюнден, Уллу Хорламны юбилей джылы регионда къалай белгиленнигини хакъындан хапар айтханды.
«Пресс-конференцияны баш джолун Александр Анатольевич белгилегенди – ол миллет проектлени джашауда орунлу этиудю. Биз бусагъатда огъуна къралыбызда, КъЧР-де да аланы магъаналылыкъларын, хайырлылыкъларын кёребиз. Къарачай-Черкес Республика 10 миллет проектни тамалында 45 федерал программагъа къошулгъанды. Аллыбызда тёрт джылны ичинде социал, экономика санагъатлада да талай федерал программагъа къошуллукъбуз», - дегенди Темрезланы Рашид.
Тюбешиуню Александр Матовников ачыб, кёбчюлюк информация мадарланы баш иши, Кавказны иги джанындан кёргюзюу болгъанын айтханды.
Аны тышында да Толу эркинликли келечи эндреуюк (декабрь) айны 19-да къралыбызны Президенти бардырлыкъ пресс-конференцияны юсюнден журналистлеге былай айтханды: «Сиз Шимал Кавказны юсюнден соруу сорсагъыз иги боллукъ эди. Биз болгъан санагъатланы юслери бла да Федерал аралыкъ бла хаман да къысха байламлылыкъ тутуб ишлерге керекбиз».
Александр Матовников журналистлени, Шимал Кавказда конфессия эмда миллетле арасы болумну юслеринден тюз, иги хапарла джазыб турургъа чакъыргъанды. Ол айтхандан, бир къауумла болумну къалтыратыргъа кюрешселе да, «Эресейни эм кёб миллетли округу мамырлыкъда, рахатлыкъда, къарнаш шохлукъда джашайды».
«Бизни округ къралда ауур аманлыкъчылыкъны тизиминде эм артдады. Шимал Кавказ эм къоркъуусуз джерди, ол кертиди. Аны регионал, федерал дараджада да уллу магъанасы барды. Бу джаны бла сиз да иги юлгюлени джазгъанлай, кёргюзгенлей, адамлагъа билдиргенлей туругъуз», - деб чертгенди Александр Матовников.
КъЧР-ни Башчысы Темрезланы Рашид да журналистлени сорууларына джууаб бере, бизде миллет проектле джашауда къалай толтурулгъанларыны юсюнден, Уллу Хорламны юбилей джылы регионда къалай белгиленнигини хакъындан хапар айтханды.
«Пресс-конференцияны баш джолун Александр Анатольевич белгилегенди – ол миллет проектлени джашауда орунлу этиудю. Биз бусагъатда огъуна къралыбызда, КъЧР-де да аланы магъаналылыкъларын, хайырлылыкъларын кёребиз. Къарачай-Черкес Республика 10 миллет проектни тамалында 45 федерал программагъа къошулгъанды. Аллыбызда тёрт джылны ичинде социал, экономика санагъатлада да талай федерал программагъа къошуллукъбуз», - дегенди Темрезланы Рашид.
Лепшокъланы Хусеин.
{jcomments}
