Озгъан шабат кюн, аууз-герги (октябрь) айны 19-да, Черкесскени ара майданында, джылладача, къачхы джармалыкъ болду. Анда алыучулагъа товарны базар багъасындан 15-20 процентге учуз алыргъа мадар бар эди.
Гардош, сохан, къобуста, быхы, бадраджан, агурча, алма, бирси кёгетле, эт, джау, бышлакъ, бал сата, Шимал Кавказны регионларындан 200-ден аслам эл мюлк продукция чыгъарыучу келген эдиле бу джол.
- Учузуракъ болгъандан сора да бери продукцияны асыулусун келтиргендиле, - деб хапар айтханды журналистлеге КъЧР-ни Правительствосуну Председателини биринчи орунбасары Байчораланы Эльдар. - Эл мюлк санагъатны башчылары бла бирге джармалыкъны аулаб чыгъыб, кёзюбюз бла кёрюб айтама. Продукция чыгъарыучуланы араларында КъЧР-ни эл мюлкюн айнытыуну программасына къошулгъанла да аз тюлдюле. Республикада фермерлеге хайт деб кёлтюргюч боладыла бу тукъум ишле. Алай болса да эм биринчиси джамагъатны социал джаны бла джагъы аз болгъан къауумуна затны учузуракъ сатыб алыргъа мадар берирге деб къураладыла быллай джармалыкъла.
Аны бла бирге Байчора улу Къарачай-Черкесияны агропромышленность комплекси не джаны бла да ёсюб баргъанын чертиб сёлешгенди.
Башында сагъыннганыбызча, бери хоншу регионладан да иги кесек сатыучу келгенди. Ма, аланы бири Къабарты-Малкъардан фермер Губашиев Борис бизни алыучулагъа кесини эт продукциясын теджегенди.
- Талай джыл болады мен Къарачай-Черкесиягъа бу джумуш бла келиб тургъанлы. Кесибизни энчи мюлкюбюзде тауукъ ёсдюребиз. Сатыуубуз аман бармайды. КъЧР-де бизни продукциябызны хаман алгъанлай туруучу адамларыбыз да бардыла. Бу джол да ала джармалыкъны сакълаб тура эдиле.
Къысхасы, бу джол да республикан аралыгъыбызда къачхы джармалыкъ къурамлы ётдю. Сатыучу-алыучу да кёб эди. Эм тири фермерге эл мюлк министерствону, республиканы башчылыгъыны атларындан саугъала да берилдиле.
Джармалыкъны аллындан ахырына дери республиканы суратлау коллективлери джырлары, тепсеулери бла джыйылгъанлагъа кёз ачдыргъанлай турдула.
- Учузуракъ болгъандан сора да бери продукцияны асыулусун келтиргендиле, - деб хапар айтханды журналистлеге КъЧР-ни Правительствосуну Председателини биринчи орунбасары Байчораланы Эльдар. - Эл мюлк санагъатны башчылары бла бирге джармалыкъны аулаб чыгъыб, кёзюбюз бла кёрюб айтама. Продукция чыгъарыучуланы араларында КъЧР-ни эл мюлкюн айнытыуну программасына къошулгъанла да аз тюлдюле. Республикада фермерлеге хайт деб кёлтюргюч боладыла бу тукъум ишле. Алай болса да эм биринчиси джамагъатны социал джаны бла джагъы аз болгъан къауумуна затны учузуракъ сатыб алыргъа мадар берирге деб къураладыла быллай джармалыкъла.
Аны бла бирге Байчора улу Къарачай-Черкесияны агропромышленность комплекси не джаны бла да ёсюб баргъанын чертиб сёлешгенди.
Башында сагъыннганыбызча, бери хоншу регионладан да иги кесек сатыучу келгенди. Ма, аланы бири Къабарты-Малкъардан фермер Губашиев Борис бизни алыучулагъа кесини эт продукциясын теджегенди.
- Талай джыл болады мен Къарачай-Черкесиягъа бу джумуш бла келиб тургъанлы. Кесибизни энчи мюлкюбюзде тауукъ ёсдюребиз. Сатыуубуз аман бармайды. КъЧР-де бизни продукциябызны хаман алгъанлай туруучу адамларыбыз да бардыла. Бу джол да ала джармалыкъны сакълаб тура эдиле.
Къысхасы, бу джол да республикан аралыгъыбызда къачхы джармалыкъ къурамлы ётдю. Сатыучу-алыучу да кёб эди. Эм тири фермерге эл мюлк министерствону, республиканы башчылыгъыны атларындан саугъала да берилдиле.
Джармалыкъны аллындан ахырына дери республиканы суратлау коллективлери джырлары, тепсеулери бла джыйылгъанлагъа кёз ачдыргъанлай турдула.
ЁЗДЕНЛАНЫ Якъуб.
{jcomments}
