Къарачай-Черкес Республикада Башчыны Болум аралыгъы (Ситуационный центр) къураллыкъды. Аны юсю бла бу кюнледе КъЧР-ни Правительствосуну Юйюнде, Аслан Озовну башчылыгъы бла, кенгеш болгъанды.
Аны ишине КъЧР-ни Правительствосуну членлери да къошулгъандыла.
Къарачай-Черкес Республиканы Башчысыны Болум аралыгъы РФ-ны Президентини 2013-чю джыл элия (июль) айны 25-де чыкъгъан «О формировании системы распределённых ситуационных центров, работающих по единому регламенту взаимодействия» деген Указыны тамалында къураллыкъды.
Аслан Озов чертгенден, Болум аралыкъ быйыл джылны аягъына ишлеб башларгъа керекди. Аны ючюн бютеу министерствола бла ведомствола биригиб ишлерге керекдиле.
Ол аралыкъ республиканы социал, экономика, политика джашаууну, май указланы къалай толгъанларыны эмда КъЧР-ни Башчысыны иш кёргюзюмлерини юслеринден хапар джыяргъа керекди.
Бу проектни джашауда орунлу этер ючюн ишчи къауум къураллыкъды. Анга Къарачай-Черкесияны министерстволары бла ведомстволарыны тамадалары кирликдиле.
(Бизни корр.).
 
{jcomments}