Озгъан ыйыкъда Къарачай-Черкес Республиканы Правительствосуну Председатели Аслан Озов «Почта России» ФГУП-ну Къарачай-Черкесияда филиалыны директору Лайпанланы Ахмат бла тюбешиб, федерал почта байламлылыкъны мийик дараджагъа чыгъарыуну эмда республикада почта бёлюмлени джангыртыуну юсюнден сёлешгенди.

Къарачай-Черкесияда озгъан джыл алты почта бёлюмге тамамлы ремонт этилиб джангыртылгъандыла. Аладан эки бёлюм бюгюннгю излемге кёре джарашдырылгъанды, ичлери ачыкъ, кенг болгъанды, келген адамлагъа таблыкъла къуралгъандыла.
2019-чу джылны аягъына дери республикада энтда 10 почта бёлюмню джангыртыр нюзюр барды. 8 почта бёлюмде уа «Доступная среда» проектни тамалында, сакъатлыкълары болгъан адамла джумушларын инджилмей баджарырча мадарла къураллыкъдыла.
Лайпанланы Ахмат Премьер-министрге билдиргенден, Къарачай-Черкес Республикада тамамлы ремонт керекли энтда талай почта бёлюм барды.
Аны тышында да тюбешиуде почтаны къуллукъчуларыны иш хакъларын кёлтюрюуню юсюнден сёлешгендиле. Алайды да, 2020-чы джыл почтада ишлеген 553 адамны иш хакълары ортача 20 процентге кёлтюрюллюкдю.
Къарачай-Черкес Республиканы Башчысы Темрезланы Рашидни «Почта Банк» ПАО-ну тамадасы бла келишиуюню тамалында республикада «Почта Банкны» 45 бёлюмю ачылгъанды. Доммай бла Малокурганный посёлоклада почта бёлюмле модуль халда джарашдырылгъандыла.
Бюгюнлюкде Къарачай-Черкес Республикада 147 почта бёлюм ишлейди, аладан 114-сю элледе орналгъандыла.
КъЧР-ни Башчысыны эмда Правительствосуну пресс-къуллугъу.

 

 
{jcomments}