Къарачай-Черкес Республикада кёб тюрлю джумушну баджаргъан аралыкъла (МФЦ) адамланы 270 мингнге джууукъ кърал эмда муниципал джумушларын тындыргъандыла.

Ол сандан 252 мингден асламысы кърал, 17 мингден кёбю муниципал, 459-у да регионал магъаналы джумушладыла.
- Биринчи МФЦ Къарачай-Черкесияны джеринде Черкесск шахарда ачылгъанды. Ол 2014-чю джылны март айында эди. Бу тукъум аралыкъланы ачар ючюн, КъЧР-ни Башчысы Темрезланы Рашидни башламчылыгъы бла Информацион технологияланы аралыгъы къуралгъанды, - дегенди Эрикгенланы Султан – КъЧР-де УМФЦ-ЦИТ-ни директоруну борчларын толтургъан.
Эрикген улу айтханнга кёре, бюгюнлюкде КъЧР-де МФЦ-ны саны 13 болады. Ол аралыкълада 112 терезе эмда 110 терезеси болгъан 83 джергили бёлюм бардыла. Бу затла адамлагъа джумушларын дженгил баджарыргъа мадар бередиле. Аны бла бирге этилген джумушну асыулугъу да ёсгенин чертерге тыйыншлыды. Бу аралыкълагъа къошулмагъан эллеге да район аралыкълада иш орунла къуралгъандыла.