Къыркъар (август) айны 1-де РФ-ны Пенсион фондуну Къарачай-Черкесиядагъы управлениесинде «Сакъ болугъуз хыйлачыла» деген аты бла кёбчюлюк информация мадарланы келечилери бла брифинг болду. Республикан Пенсион фондну тамадасыны заместители Тамбиева Ирина Викторовна журналистлени сорууларына джууаб бере, хыйлачыла уллайгъан адамланы джарсытыб, ачхаларын алыб инджитгенлерини юсюнден да хапар айтды.
Ол билдиргенден, арт кёзюуде аманлыкъчыла къартлагъа къонгурау атыб, бир энчи юрист компанияны атын айтыб, пенсиялары терс саналгъанларын, алагъа ачха къошулургъа кереклисин билдиредиле. Аллай алдауукъ-хыйла компанияла къоркъмай кеслерини юслеринден кёбчюлюк информация мадарлада реклама да этедиле. Аны кёрюб кёб адам алагъа кеслери огъуна къонгурау атыб сёлешедиле. Аланы бары къартланы пенсияларын джангыдан санагъанча этиб, «пенсиягъызгъа иги кесек ачха къошулургъа керекди», деб билдиредиле. Аны алыр ючюн а, къагъытланы джарашдырыб бераллыкъларын да чертедиле. Алай бла пенсионерле кеслерин алдатыб, 1000 сом тёлеб, ала хазырлагъан къагъытланы сатыб аладыла. Ол къагъытла бла пенсион фондха келиб, заявление джазыб, пенсияларына джангыдан къаратдырадыла.
- Управлениени къуллукъчулары аланы тинтиб къарасала, къагъытла бары ариу джарашдырылгъанлыкъгъа ичинде джазылгъан зат бары алдауукъ болуб чыгъады. Аны пенсионерге билдирсек бек кёб гурушха сёз эшитебиз. Бизге ийнанмай сюдге бергенле да бардыла. Алай а сюд тинтиб, джалгъан къагъытла болгъанларын ачыкълайды. Алай бла уллайгъан адамла талай ачхаларын джоюб, джарсыйдыла, - дейди Тамбиева Ирина.
Алай джарсымаз ючюн, пенсион фондда джамагъат бла ишлеген, пенсия бла байламлы джумушлагъа къарагъан бёлюмге барыб, хапар алыргъа керекди. Анда ишлеген билимли, сынамлы къуллукъчула пенсионерлени не тюрлю тарыгъыуларына да къараучандыла. Керек болса пенсияларына джангыдан къараб чыгъадыла.
«Законнга таяна пенсияланы тергеб, джарашдырыб, кескинлеб берирге джангыз пенсион фондну мадары барды. Пенсиягъа чыгъарыкъ адамны энчи къагъытлары бла шагъырей болургъа джангыз фондну эркинлиги барды, кеси да пенсионер бла энчи тюбешиб сёлеширге керекди. Телефон бла ол затланы юслеринден сёлешген законну бузады», - дейди Тамбиева И.
Ирина Викторовна айтханнга кёре, «онлайн консультация» дегенни айтыб, Интернетде да бардыла къартлагъа джалгъан хапар билдирген юрист компанияла. Ала да хыйла компанияланы биридиле. Пенсиялагъа перерасчёт этерге болушабыз деб, адамладан ачха джыядыла. Аллай затха да къартла алданмазгъа керекдиле…
Пенсион фондха заявлениени алыуну эмда пенсиягъа чыгъарыуну электрон халда бардырыу джорукъ болуб сингдирилгенди. Пенсион фондну www.pfrf.ru сайтында «онлайн-приемныйге» заявление джазыб, ким да джууаб алыргъа боллукъду. Дагъыда «энчи кабинетни» юсю бла адам башха джумушларын да тындыраллыкъды.
Бу хыйлачыланы аманлыкъ ишлерин тыяр ючюн, барыбыз да бек сакъ болургъа керекбиз. Пенсион фондха сорууугъуз болса 8(8782)22-05-42 телефон бла сёлешиб неда «ВКонтакте», «Facebook», «Twitter» социал сетледе хапар билирге боллукъду.
Ол билдиргенден, арт кёзюуде аманлыкъчыла къартлагъа къонгурау атыб, бир энчи юрист компанияны атын айтыб, пенсиялары терс саналгъанларын, алагъа ачха къошулургъа кереклисин билдиредиле. Аллай алдауукъ-хыйла компанияла къоркъмай кеслерини юслеринден кёбчюлюк информация мадарлада реклама да этедиле. Аны кёрюб кёб адам алагъа кеслери огъуна къонгурау атыб сёлешедиле. Аланы бары къартланы пенсияларын джангыдан санагъанча этиб, «пенсиягъызгъа иги кесек ачха къошулургъа керекди», деб билдиредиле. Аны алыр ючюн а, къагъытланы джарашдырыб бераллыкъларын да чертедиле. Алай бла пенсионерле кеслерин алдатыб, 1000 сом тёлеб, ала хазырлагъан къагъытланы сатыб аладыла. Ол къагъытла бла пенсион фондха келиб, заявление джазыб, пенсияларына джангыдан къаратдырадыла.
- Управлениени къуллукъчулары аланы тинтиб къарасала, къагъытла бары ариу джарашдырылгъанлыкъгъа ичинде джазылгъан зат бары алдауукъ болуб чыгъады. Аны пенсионерге билдирсек бек кёб гурушха сёз эшитебиз. Бизге ийнанмай сюдге бергенле да бардыла. Алай а сюд тинтиб, джалгъан къагъытла болгъанларын ачыкълайды. Алай бла уллайгъан адамла талай ачхаларын джоюб, джарсыйдыла, - дейди Тамбиева Ирина.
Алай джарсымаз ючюн, пенсион фондда джамагъат бла ишлеген, пенсия бла байламлы джумушлагъа къарагъан бёлюмге барыб, хапар алыргъа керекди. Анда ишлеген билимли, сынамлы къуллукъчула пенсионерлени не тюрлю тарыгъыуларына да къараучандыла. Керек болса пенсияларына джангыдан къараб чыгъадыла.
«Законнга таяна пенсияланы тергеб, джарашдырыб, кескинлеб берирге джангыз пенсион фондну мадары барды. Пенсиягъа чыгъарыкъ адамны энчи къагъытлары бла шагъырей болургъа джангыз фондну эркинлиги барды, кеси да пенсионер бла энчи тюбешиб сёлеширге керекди. Телефон бла ол затланы юслеринден сёлешген законну бузады», - дейди Тамбиева И.
Ирина Викторовна айтханнга кёре, «онлайн консультация» дегенни айтыб, Интернетде да бардыла къартлагъа джалгъан хапар билдирген юрист компанияла. Ала да хыйла компанияланы биридиле. Пенсиялагъа перерасчёт этерге болушабыз деб, адамладан ачха джыядыла. Аллай затха да къартла алданмазгъа керекдиле…
Пенсион фондха заявлениени алыуну эмда пенсиягъа чыгъарыуну электрон халда бардырыу джорукъ болуб сингдирилгенди. Пенсион фондну www.pfrf.ru сайтында «онлайн-приемныйге» заявление джазыб, ким да джууаб алыргъа боллукъду. Дагъыда «энчи кабинетни» юсю бла адам башха джумушларын да тындыраллыкъды.
Бу хыйлачыланы аманлыкъ ишлерин тыяр ючюн, барыбыз да бек сакъ болургъа керекбиз. Пенсион фондха сорууугъуз болса 8(8782)22-05-42 телефон бла сёлешиб неда «ВКонтакте», «Facebook», «Twitter» социал сетледе хапар билирге боллукъду.
СЕМЕНЛАНЫ Аминат.
{jcomments}
