Къарачай-Черкес Республиканы Башчысы Темрезланы Рашид Москва шахарда Эресей Федерацияны саулукъ сакълау министрини биринчи орунбасары Татьяна Яковлева бла тюбешгенди.
Тюбешиуню кёзюуюнде «Саулукъ сакълау» деген миллет проектни тамалында керекли ишлени баджарыуну хакъындан сёлешиннгенди.
2019-чу джылны ичинде бу миллет проектни тамалында Къарачай-Черкес Республиканы саулукъ сакълау учреждениелерине джангы оборудование келтирилликди. Ол оборудованиени джюрек эмда къан тамыр ауруулагъа, сабийлени саулукъларына, онкология ауруулагъа къарагъан учреждениеле аллыкъдыла.
Аны тышында да, тюбешиуню кёзюуюнде регионну флюрографы эмда маммографы болгъан машинала бла баджарыуну хакъындан келишиу джарашдырылгъанды. Ала республиканы узакъ эллеринде джашагъан адамланы саулукъларын тинтер мадар берликдиле.
Темрезланы Рашид тюбешиуню кёзюуюнде Черкесск шахарны сабий больницасыны эски комплексин джангыртылыргъа эмда мыйы ауруулагъа къарагъан больница ишленирге кереклисин чертгенди. Джууукъ заманны ичинде КъЧР-ни Правительствосу Эресей Федерацияны Саулукъ сакълау министерствосуна ол ишлени башлар ючюн, керекли къагъытланы джарашдырыб ашырлыкъды.
