Джыйылыу болду

Подробности
Къарачай-Черкес Республиканы ич ишлерини министри Игорь Трифонов МВД-ны коллегиясыны джыйылыуун бардырды. Ол 2019-чу джылны биринчи джарымында этилген ишлеге аталгъан эди.
Джыйылыугъа КъЧР-ни прокуроруну орунбасары Махов Артур, бу министерствону бёлюмлерине, шахарла бла районлада полицияны бёлюмлерине башчылыкъ этгенле да келген эдиле.
КъЧР-ни ич ишлерини министрини орунбасары Александр Середа докладын окъуду. Андан сора джыйылыуну кёзюуюнде Махов Артур, Игорь Трифонов эмда аны орунбасарлары озгъан айлада баджарылгъан, тынмай къалгъан ишлени сюзюб сёлешдиле. Ала джаш тёлюню арасында терс сокъмакъгъа тюшген болмаз джанындан кюрешиу бла джоллада къоркъуусузлукъну сакълаугъа айырыб уллу эс бёлюрге кереклисин чертдиле. Ол муратха джетер ючюн, къаллай мадарла этерге тыйыншлы болгъанын да айтдыла.
Озгъан айлада район дараджада ишни къурамлы къуралгъанына кёре полицияны Гитче Къарачай районда бёлюмюне биринчи орун берилди. Экинчи оруннга Адыге-Хабль, ючюнчюге да Къарачай районланы къуллукъчулары тыйыншлы болдула. Къурамлы ишлегенлери ючюн ич ишлени бу бёлюмлерине джангы машинала берилликлери да айтылды.
Джыйылыуда эм иги ишлегенлени да саугъалагъандыла. Аны бла да къалмай, эки подполковникни чынларына энтда бирер джулдуз къошуб, полковникле этдиле.
(БИЗНИ КОРР.)
 
{jcomments}