Элия (июль) айны 17-де федерал эмда Къарачай-Черкесияны кёбчюлюк информация мадарларыны келечилери КъЧР-ни джолларында пресс-тургъа къошулуб, регионну федерал джолларында къурулуш эмда джангыртыу ишлеге къарагъандыла.
«Биз регионда джолларыбызны агъачлыкъларын эмда джангыртыу ишлени къалай бардырылгъанларын кесигиз кёзюгюз бла кёрюрча къурагъанбыз пресс-турну. Бюгюн джоллагъа ремонт этилген джерлени барына да барлыкъбыз», - дегенди «Кавказ» деген федерал джол управлениени республикан бёлюмюню тамадасыны орунбасары Анатолий Озов журналистлеге.
Журналистле «Черкесск - Доммай» федерал джолда болгъандыла, Джёгетей Аягъында да тохтагъандыла. Алайда баргъан ремонт ишледен хапар айтханды А. Озов. Ол билдиргенден, Джёгетей Аягъыны юсю бла баргъан федерал джолда автомобиллени джюрюгенлери къаты мардаланыб эди. Аны амалтын джолну кенгертиб, машинала анда 4 тизим болуб джюрюрча мадар къураргъа оноу этилгенди. Аны кибик суу баргъан илипинни джарашдырыр муратлары да барды.
«Амалсыз энтда бир джол ыз этилирге керекди. Алай эталсакъ, аны бла эки къатха кёб автомобиль джюрюрюкдю эмда джол-транспорт чарпыула аз боллукъдула. Дагъыда игиси эртден, ингир сайын былайда, бусагъатдача, машинала басыныб къыйын джюрюрюк тюлдюле», - деб чертгенди Анатолий Галимжанович.
Джол ишлеуге керекли затланы табдырыучу Мухарби Кумратов быйыл эндреуюк (декабрь) айны 12-де джолну бу кесеги хайырланыугъа бериллигин айтханды.
Ызы бла журналистле республиканы Джёгетей Аягъы районунда Къобан сууну башы бла ишленнген Шимал Кавказда эм узун кёпюрге баргъандыла.
800 метр узунлугъу болгъан кёпюр хайырланыугъа болджалындан алгъа берилгенди.
Журналистле «Архыз» деген джылны бютеу чакъларында да ишлеген турист-рекреацион комплексге элтген джолгъа да барыб къарагъандыла.
Былайда юч къатлы асфальт-бетон тёшеле, таш толкъунну тыйгъан къабыргъала да къурула турадыла.
«Тау бет къоркъуулу болгъаны амалтын алайдан юзюлюб, чартлаб ташла тюшедиле, алай бла къоркъуусузлукъну сакълар ючюн темир-бетон буруула салынадыла. Аны бла бирге бютеу суу быргъыла да ауушуннукъдула», - дегенди А. Озов.
Тамблагъы кюннге муратларыны юсюнден Анатолий Озов федерал джолланы джарашдырыу иш мындан ары да бардырыллыгъын айтханды.
«Черкесскеге баргъан джолгъа тамамлы ремонт этерикбиз деб ышанама. Черкесскени къыбыла джанында тогъай, айланч джол ишлер муратыбыз барды. «Черкесск - Доммай» джолну джангыртырыкъбыз. Ол шахарны Октябрьская орамын бошуракъ этерге мадар берликди. Октябрьская орамны мекямлары тыкъ, бир-бирлерине къысылыб, къалын ишленнгендиле, бир суткагъа алайтын 20 минг автомобиль озады», - деб алайда болумну юсюнден хапар айтханды Анатолий Галимжанович.
Пресс-турда хар журналист берген соруууна толу джууаб алгъанды. Ала республиканы джеринде федерал джолланы, арт кёзюуде бардырылгъан уллу ишлени, джол усталаны хар кюн сайын уруннганларыны, автомобиль джолланы дараджаларыны, къаллай асфальт-бетон тёшелгенини дагъыда аны кибик кёб затны юсюнден билгендиле.
Журналистле «Черкесск - Доммай» федерал джолда болгъандыла, Джёгетей Аягъында да тохтагъандыла. Алайда баргъан ремонт ишледен хапар айтханды А. Озов. Ол билдиргенден, Джёгетей Аягъыны юсю бла баргъан федерал джолда автомобиллени джюрюгенлери къаты мардаланыб эди. Аны амалтын джолну кенгертиб, машинала анда 4 тизим болуб джюрюрча мадар къураргъа оноу этилгенди. Аны кибик суу баргъан илипинни джарашдырыр муратлары да барды.
«Амалсыз энтда бир джол ыз этилирге керекди. Алай эталсакъ, аны бла эки къатха кёб автомобиль джюрюрюкдю эмда джол-транспорт чарпыула аз боллукъдула. Дагъыда игиси эртден, ингир сайын былайда, бусагъатдача, машинала басыныб къыйын джюрюрюк тюлдюле», - деб чертгенди Анатолий Галимжанович.
Джол ишлеуге керекли затланы табдырыучу Мухарби Кумратов быйыл эндреуюк (декабрь) айны 12-де джолну бу кесеги хайырланыугъа бериллигин айтханды.
Ызы бла журналистле республиканы Джёгетей Аягъы районунда Къобан сууну башы бла ишленнген Шимал Кавказда эм узун кёпюрге баргъандыла.
800 метр узунлугъу болгъан кёпюр хайырланыугъа болджалындан алгъа берилгенди.
Журналистле «Архыз» деген джылны бютеу чакъларында да ишлеген турист-рекреацион комплексге элтген джолгъа да барыб къарагъандыла.
Былайда юч къатлы асфальт-бетон тёшеле, таш толкъунну тыйгъан къабыргъала да къурула турадыла.
«Тау бет къоркъуулу болгъаны амалтын алайдан юзюлюб, чартлаб ташла тюшедиле, алай бла къоркъуусузлукъну сакълар ючюн темир-бетон буруула салынадыла. Аны бла бирге бютеу суу быргъыла да ауушуннукъдула», - дегенди А. Озов.
Тамблагъы кюннге муратларыны юсюнден Анатолий Озов федерал джолланы джарашдырыу иш мындан ары да бардырыллыгъын айтханды.
«Черкесскеге баргъан джолгъа тамамлы ремонт этерикбиз деб ышанама. Черкесскени къыбыла джанында тогъай, айланч джол ишлер муратыбыз барды. «Черкесск - Доммай» джолну джангыртырыкъбыз. Ол шахарны Октябрьская орамын бошуракъ этерге мадар берликди. Октябрьская орамны мекямлары тыкъ, бир-бирлерине къысылыб, къалын ишленнгендиле, бир суткагъа алайтын 20 минг автомобиль озады», - деб алайда болумну юсюнден хапар айтханды Анатолий Галимжанович.
Пресс-турда хар журналист берген соруууна толу джууаб алгъанды. Ала республиканы джеринде федерал джолланы, арт кёзюуде бардырылгъан уллу ишлени, джол усталаны хар кюн сайын уруннганларыны, автомобиль джолланы дараджаларыны, къаллай асфальт-бетон тёшелгенини дагъыда аны кибик кёб затны юсюнден билгендиле.
ДЖАНКЁЗЛАНЫ Марина.
{jcomments}
