Уллу Ата джурт къазауатны заманында кавказ ауушла ючюн баргъан урушланы джоллары бюгюн-бюгече да тинтилиб бошалмагъандыла. Джыл сайын джаш адамла джыйылыб, тинтиу-излеу ишле бардыра, ауушлагъа чыгъадыла.
Быйыл регионла арасы тау ауушлагъа чыгъыу слётха Эресейни башха регионларындан Къарачай-Черкес Республикагъа 200-ден артыкъ джаш адам келликди.
КъЧР-ни Правительствосунда тау ауушлагъа чыгъыуну регионла арасы слётуна хазырланыу ишлени бардыргъан къурау комитетни кенгеши болду. Слётну КъЧР-ни Туризмини, курортларыны эмда джаш тёлю политикасыны министерствосу бла «Поисковое движение России» ООД-ны регионал бёлюмюню «Сводный поисковый отряд «Подвиг» джамагъат организациясы къурайдыла.
Кенгешни кёзюуюнде белгиленнгенден, тау ауушлагъа чыгъыу ишле элия (июль) айны 27-ден 31-не дери кёзюуде Архызда, София талада эмда Наур ауушда, бардырыллыкъдыла. Анга Дагъыстан, Ингушетия республикаладан, Ставрополь крайдан, Курск бла Самара областладан джаш адамла къошуллукъдула.
1943-чю джылны къышында 810-чу атыучу полкну 3-чю батальонуну 9-чу ротасы Наур ауушда фашист аскерле бла къанлы сермешле бардыргъанды. Бардырылгъан ишни эм баш магъаналы джумушлары алайда ётерикдиле. Уллу митинг боллукъду, ауушда табылгъан аскерчилени басдырлыкъдыла.
Дагъыда слётха къошулгъанла Архыздан София талада Кавказны ауушларын джакълагъанлагъа аталгъан мемориал комплексге джаяу чыгъыб, эсгертмеге гокка хансла эмда эсгериу къанга саллыкъдыла.
Быйыл регионла арасы тау ауушлагъа чыгъыу слётха Эресейни башха регионларындан Къарачай-Черкес Республикагъа 200-ден артыкъ джаш адам келликди.
КъЧР-ни Правительствосунда тау ауушлагъа чыгъыуну регионла арасы слётуна хазырланыу ишлени бардыргъан къурау комитетни кенгеши болду. Слётну КъЧР-ни Туризмини, курортларыны эмда джаш тёлю политикасыны министерствосу бла «Поисковое движение России» ООД-ны регионал бёлюмюню «Сводный поисковый отряд «Подвиг» джамагъат организациясы къурайдыла.
Кенгешни кёзюуюнде белгиленнгенден, тау ауушлагъа чыгъыу ишле элия (июль) айны 27-ден 31-не дери кёзюуде Архызда, София талада эмда Наур ауушда, бардырыллыкъдыла. Анга Дагъыстан, Ингушетия республикаладан, Ставрополь крайдан, Курск бла Самара областладан джаш адамла къошуллукъдула.
1943-чю джылны къышында 810-чу атыучу полкну 3-чю батальонуну 9-чу ротасы Наур ауушда фашист аскерле бла къанлы сермешле бардыргъанды. Бардырылгъан ишни эм баш магъаналы джумушлары алайда ётерикдиле. Уллу митинг боллукъду, ауушда табылгъан аскерчилени басдырлыкъдыла.
Дагъыда слётха къошулгъанла Архыздан София талада Кавказны ауушларын джакълагъанлагъа аталгъан мемориал комплексге джаяу чыгъыб, эсгертмеге гокка хансла эмда эсгериу къанга саллыкъдыла.
(БИЗНИ КОРР.).
{jcomments}
