Россия Федерацияны адамы (гражданы) болургъа излеген муратына толу джетер ючюн, ант этерге керекди деген оюм этилиб тургъанлы талай заман бола эди. Ол антны къалай, къаллай сёзле айтыб этерге керек болгъанын сюзе депутатла июнь айдан бери кёб сагъыш этген эдиле. Ахырында, июль айны 12-де Россия Федерацияны Кърал Думасыны депутатлары бир оюмгъа келиб, бегим алдыла. Ол бегимге кёре Россия Федерацияны адамы (гражданы) болургъа излеген, ма быллай сёзлени айтыб ант этерге керекди:

«Я (ФИО), добровольно и осознанно принимая гражданство РФ, клянусь соблюдать Конституцию и законодательство РФ, права и свободы ее граждан, исполнять обязанности гражданина РФ на благо государства и общества, защищать свободу и независимость РФ, быть верным России, уважать ее культуру, историю и традиции».

Кърал Думаны Къраллыкъ джюрютюу бла законла чыгъарыу комитетини председатели Павел Крашенинников билдиргеннге кёре, ант этиб бошагъан адамны къолуна россиячы паспортну мычымай тутдурадыла.

- Этилген антны закон джаны бла магъанасы бек уллуду, – деди депутат. Энди, ант этиу къайда, къаллай мекямда, къалай барлыгъыны юсюнден РФ-ны Президентини указы чыгъарыкъды.

(Бизни корр.).

 

 
{jcomments}