Мындан алда Къарачай-Черкес Республиканы Премьер-министри Аслан Озов башчылыкъ этиб, республиканы Правительствосуну кенгеши болгъанды. Анда сёз, Эресей Федерацияны Президенти В. В. Путинни «О национальных целях и стратегических задачах развития Российской Федерации на период до 2024 года» деген Указына кёре миллет проектлени джашаугъа кийириуню юсюнден баргъанды.

Кенгешни ишине къошулгъанланы арасында кураторла эмда «Демография», «Безопасные и качественные автомобильные дороги», «Жильё и городская среда» деген миллет проектлени регионал проектлерини тамадалары болгъандыла.

Кенгешде миллет проектлени къурамына кирген федерал проектлени кёргюзюмлерине джетдирирге болушхан регионал проектлеге джашауда орун алдырыу баш соруу болгъанды.

Кенгешни аягъында Къарачай-Черкесияны Правительствосуну Председатели Аслан Озов, джууаблы тамадалагъа салыннган борчну толтурууда орун алгъан болумну энчи контролда тутуб, толтуруучу властланы федерал органлары бла байламлылыкъ бегитиб ишлеуню андан ары бардырыргъа аманат этгенди.

(Бизни корр.).