Кенгешде «Развитие Северо-Кавказского федерального округа» деген кърал программаны тамалында къуралгъан «Стратегия развития ШКФО, Госпрограммы и Стратегия развития туризма, с учётом новой структуры государственной программы» деб, мындан ары этиллик ишлени белгилеген оюмну сюзгендиле.
ШКФО-ну ёсюмюню юсюнде джангы алыннган кърал программагъа кёре округда джыл сайын да Кавказны къралла арасы экономика форумун бардырыб турургъа, дегендиле. Аны бла байламлы табигъатны услулугъуну къоркъууундан объектлени сакълай кёб тюрлю иш этилликди.
Александр Матовников Советни кенгешинде регионланы джеринде проблемаланы эсге ала, аланы тамадаларына бу затны юсюнден оюмларын айтыргъа борч салгъанды. Аны тышында Шимал Кавказ федерал округ Эресейни геостратегия джери болгъанын чертгенди.
Сергей Чеботарёв ШКФО-ну регионларында, къаллай ишле бардырыргъа боллугъуну хакъындан сёлешгенди.
Джыйылыуда дагъыда округну регионларын суу бла баджаргъан аралыкъланы ишлерине къарагъандыла.
«Округну регионларыны барында да суу бла байламлы проблемала бардыла. Бютеу округда суу быргъыланы 42 проценти эски болгъанды. Ташлы, къаялы джерлеге быргъыла тартхан къыйынды. Биз ол кемликлени къоратыр джанындан талай джылдан бери кюрешебиз. Ол ишни федерал аралыкъдан болушлукъ табдырылгъан регионал программагъа да къошханбыз», - дегенди Темрезланы Рашид Инстаграмда кесини аккаунтунда.
Эресей Федерацияны Президенти Владимир Путин алгъаракъда адамланы таза суу бла баджарыуну юсюнден айтханы бла байламлы этиллик ишлеге артыкъ эс бёлдюле джыйылгъанла.
Андан сора 2018-чи - 2020-чы джыллада Коррупциягъа къаршчы кюрешни миллет планын джашаугъа сингдириуню хакъындан ишге да къарадыла. Эресей Федерацияны ШКФО-да Толу эркинликли келечисини орунбасары Игорь Рабков аны бла байламлы доклад этди.
