Эресей Федерацияны Цифралы ёсюмюню, связь бла кёбчюлюк коммуникацияларыны министерствосу, РФ-ны Промышленность эмда сатыу-алыу министерствосу, Эресейни Почтасы эмда цифралы ритейлге кирген онглу

Санагъатла цифралы сигналны тутаргъа джараулу абонент оборудование бла къралны джамагъатын баджарыргъа джораланнган келишиуге къол салгъандыла.

Келишиуге къол салгъанла барысы да DVB-T2 форматда цифралы телесигналны туталлыкъ тюрлю-тюрлю багълары болгъан оборудованиени не къадар кёб этиуге эс бёллюкдюле.

Айтыргъа, бюгюнлюкде цифралы телесигналны тутаргъа боллукъ приставкала Эресейни Почтасыны бёлюмлеринде сатыладыла.

Айтыргъа, къралны 30-дан аслам регионуну почта бёлюмлеринде аланы табаргъа боллукъду. Эм алгъа аланы Тула, Рязань, Пенза, Ульяновск, Ярослав, Магадан областлада эмда Чечен Республикада орналгъан почта бёлюмлеге табдыргъандыла, нек десенг, биринчи аналог телевещаниени ол регионлада къурутурукъдула.

- Гитче шахарлада эмда элледе сынгар почта бёлюмле сатаргъа боллукъдула бу тукъум приставкаланы. Аланы кючлери бла цифралы телесигналны тутаргъа боллукъду. Приставкаланы эм учузуну багъасы 990 сомду. Биз регионал власть органла бла байламлылыкъ тутабыз. Ала бизге хар элге, шахаргъа ненча приставка керек болгъанын билдиредиле. Биз джамагъатха цифралы телевидениеге кёчерге болушабыз, - дегенди Эресейни Почтасыны баш директоруну орунбасары Ярослав Мандрон.

Аналог телевидениени къурутуллугъуну юсюнден Эресейни Почтасы кесини почта бёлюмлеринде клиентлеге хапар береди. Ол затны юсюнден плакатла, телевизион экранлада заставкала, мобиль приложениеде эмда официал сайтда баннерле хапар айтадыла.

Почта бёлюмледе приставкаланы сатыб алгъан бла бирге адамла, Эресейни Почтасыны контакт-аралыгъына 88002005888 номер бла сёлешиб, аланы кеслери джашагъан джерде орналгъан почта бёлюмлеге хакъсыз келтиртирге боллукъдула.

ЁЗДЕНЛАНЫ Рашид,

Эресейни Почтасыны

КъЧР-де управлениесини

къуллукъчусу.