Къарачай-Черкес Республиканы Башчысы Темрезланы Рашид Эресей Федерацияны Миллет гвардиясыны федерал къуллугъуну директоруну биринчи орунбасары - Эресей Федерацияны Миллет гвардиясыны аскерлерини баш командующийи Сергей Мельников бла эмда Эресей Федерацияны Миллет гвардиясыны тахсачы управлениесини тамадасы - Эресей Федерацияны Миллет гвардиясыны аскерлерини баш штабыны тамадасыны орунбасары Боташланы Казимир бла тюбешгенди.

Ала Къарачай-Черкесияны джеринде къоркъуусузлукъну сакълаб, джамагъат-политика болумну бирча тутхучлу тутар ючюн,  Къарачай-Черкес Республиканы Эресейни Миллет гвардиясыны тюрлю-тюрлю бёлеклери бла байлам тутханын бегитиуню ишлерине къарагъандыла.

Къарачай-Черкес Республиканы Башчысы Темрезланы Рашид Эресей Федерацияны Миллет гвардиясыны аскерлерини федерал къуллугъуну директоруна Къарачай-Черкесияда Миллет гвардияны бёлюмюн управлениеге бургъаны ючюн разылыгъын билдиргенди. Аны регионал бёлюмюню статусун кёлтюргенден сора да къоркъуусузлукъну сакълауда, аманлыкъчылыкъ бла кюрешиуде, уллу кърал ишле бардырыуда терен магъанасы болгъанын чертгенди.