Анда «Культурная среда», «Творческие люди», «Цифровая культура» деген федерал проектлени, «Культура» деб миллет проектни къурауну, джашаугъа кийириуню сорууларын сюздюле.
Къарачай-Черкесияны маданият министри Рамазан Бороков белгилегенден, «Культура» деген проектни регионал дараджасына теджелген затла, регионну маданият санагъатында болургъа бек керекли затла эсге алыныб этилгендиле. Ала маданиятны муниципал учреждениелерини этген, этерик ишлерине тири джюрюш бериуге джораланыбдыла, аланы материал-техника базаларын иги этиудю, республикада кино санатны ишин джангыртыуду эмда маданият бла санатда ишлегенлени билимлерин, усталыкъларын ёсдюрюудю.
Ол айтхандан, Къарачай-Черкесияны Маданият министерствосу регионал паспортланы проектлерин «Роскультпроект» деген толу эркинлиги болгъан федерал учреждение бла келишиб этиуде тири ишле бардырады.
Андан сора кенгешчиле «Экология» деген миллет проектни федерал проектлерине къарадыла.
Къарачай-Черкесияны къурулуш эмда фатар-коммунал мюлклени юслеринден министри Евгений Гордиенко бла КъЧР-де Тёгерекдеги затланы сакълаудан эмда суу байлыкъдан управлениени тамадасыны борчларын толтургъан Изуан Казаноков, КъЧР-ни Чегет управлениесини тамадасыны борчларын толтургъан Николай Кулаков бу санагъатда этилген ишлени юслеринден айтдыла.
Кенгешде белгиленнгеннге кёре, республика «Экология» деген миллет проектге кирген 11 федерал проектни 5-не къошулгъанды. Аланы ичинде «Чистая страна», «Комплексная система обращения с твёрдыми коммунальными отходами», «Чистая вода», «Сохранение лесов», «Сохранение уникальных водных объектов» деген проектле бардыла.
«Создание мусоросортировочного комплекса на территории Карачаевского городского округа Карачаево-Черкесской Республики», «Создание мусоросортировочного комплекса в Малокарачаевском районе Карачаево-Черкесской Республики», «Создание мусоросортировочного комплекса в станице Карданикской Зеленчукского района Карачаево-Черкесской Республики» деген ишле «Комплексная система обращения с твёрдыми коммунальными отходами» деген федерал проектни паспорт проектине кийирилгендиле. Ол ишле 2019-чу джыл бериллик субсидияны реестрине да кийирилгендиле.
Аны тышында Чегет мюлкню федерал агентствосу республиканы 2019-чу джылгъа теджеген, чегетлени орунларына салыуну, чегет урлукъла алыуну, чегетни отдан сакълагъан техника бла, чегет мюлк техника бла баджарыу ишлерин «Чегетлени сакълау» деген федерал проектге къошханды.
