Бу кюнледе Къарачай-Черкес Республиканы Халкъ Джыйылыууну (Парламентини)  кёзюулю 48-чи пленар кенгеши болду. Аны КъЧР-ни Парламентини Председатели  Александр Иванов бардырды.

Джыйылыуда халкъ келечиле 16 соруугъа къарадыла. КъЧР-ни ТФОМС-ны директору Джанкёзланы Айдемир Къарачай-Черкес Республиканы 2019-чу-2021-чи джыллагъа амалсыз этилирге керекли медицина страхованиени джергили фондуну бюджетин депутатлагъа къараргъа теджеди.

Фондну бюджетини проекти биринчи окъулууунда алынды. Андан Экономика политикадан комитет теджеген ишлеге къаралды.

Къарачай-Черкес Республиканы Правительствосуну Председателини заместители, КъЧР-ни финанс министри Сюйюнчланы Мурат теджеб, депутатла республиканы «О республиканском бюджете Карачаево-Черкесской Республики на 2019 год и на плановый период 2020 и 2021 годов» деген баш документин биринчи окъууунда къабыл этдиле.

Ол айтхандан, республикан бюджетни 2019-чу джылгъа эмда 2020-чы-2021-чи план кёзюуге, озгъан джылладача, быйыл да социал джаны бла уллу магъанасы барды.

Джоюмла «Развитие здравоохранения в Карачаево-Черкесской Республике», «Развитие образования в Карачаево-Черкесской Республике», «Развитие строительства, архитектуры, градостроительства, жилищно-коммунального хазяйства и дорожного хозяйства в Карачаево-Черкесской Республике» деген кърал программалагъа юлешиндиле.

Депутатла Къарачай-Черкес Республиканы Правительствосуну быйыл озгъан тогъуз айны ичинде республикан бюджет ишин къалай бардыргъаныны ахыр эсеблерини отчётуна тынгылаб, аны да эсге алдыла.

Аграр политика бла табигъат байлыкъланы хайырландырыуну комитети эки законопроект теджеди. Ала республикан законну, чегет кодекс бла эмда джерле бла байламлы ишлени федерал законну джоругъуна келишдирирге  мадар берирге джораланадыла. 

Депутатла дагъыда талай соруу бла баджарылыргъа керекли бир къауум ишлени оноуларын этдиле.

(Бизни корр.).