Коррупция болмаз ючюн, профилактика ишле бардыра, джууукъ заманда къалай биригиб ишлерге кереклисини оноуу этилди.
Кенгешде толтуруучу, законла чыгъарыучу, муниципал властла, закон-джорукъ сакълагъан структурала бла, къоркъуусузлукъну управлениеси бла, башха надзор структурала бла биригиб ишлерча мадарла къуралгъанлары чертилди. Бюджет мадарланы хайырлы джоюугъа терен эс бёлюндю.
Къарачай-Черкес Республиканы Башчысы Темрезланы Рашид заманнга кёре хайыр келтирген миллет проектлени юслеринде биригиб ишлеуге тири джюрюш берирге кереклисин айтды.
«Къралыбызны башчысы В.В.Путин белгилеген уллу магъаналы миллет проектлени джашаугъа кийириуде биз биригиб, тири къымылдаргъа керекбиз. Регионну джеринде миллет проектлени джашауда орун алыуларын мен энчи контролда тутарыкъма»,- деди Темрезланы Рашид.
