Кенгешни ишине Къарачай-Черкесияны Правительствосуну Председатели Аслан Озов, КъЧР-ни Башчысыны Администрациясыны тамадасы Мурат Озов, Правительствону членлери къошулгъандыла.
Кенгешни кёзюуюнде «Демография», «Здравоохранение», «Образование», «Жильё и городская среда», «Наука», «Малое и среднее предпринимательство и поддержка индивидуальной предпринимательской инициативы», «Производительность труда и поддержка занятости», «Безопасные и качественные автомобильные дороги» деген миллет проектлени къурауну сорууларына къаралгъанды.
Къарачай-Черкес Республиканы Башчысы Темрезланы Рашидге министрле 12 миллет проектни хар бирини юсюнден этиллик ишлени айтхандыла. Джууукъ заманда регионал Правительство эсин бёллюк сорууланы белгилегендиле. Андан сора да миллет проектге кирген федерал проектлени джашаугъа кийириуню сорууларына къаралгъанды. Федерал кураторла бла байлам тутуб ишлерге кереклиси чертилгенди.
Къарачай-Черкес Республиканы Башчысы Темрезланы Рашид айтхандан, регионда миллет проектле джашауда орун алыр ючюн, биригиб, кюч салыб ишлерге тыйыншлыды. Белгиленнген проектлени кёргюзюмлери ёсюб, адамланы джашау дараджалары иги болур джанындан къолдан келгенни этерге керекди.
Темрезланы Рашид республиканы миллет проектлеге къошулууун кенгертирге боллугъун да аманат этгенди. Эресей Федерацияны Саулукъ сакълау министерствосунда Татьяна Яковлева бардыргъан кенгешде Къарачай-Черкесия миллет проектлеге къошуллугъуну юсюнде алыннган бегимлени уллу магъаналары болгъанларын да айтханды.
«Аллай кенгешле болгъан федерал ведомстволада да бардырыргъа кереклиге санайма. Хар миллет проектде биз толтурургъа керекли ишле белгиленнгендиле. Эресейни Правительствосу, «Бирикген Эресей» партия, болгъан федерал структурала биригиб ишлерге хазырдыла. Бизни баш борчубуз, ол байлыкъла бла тыйыншлысыча хайырлана, биригиб урунууну эсебин бегитиб, аны бла ишлеудю», - дегенди Темрезланы Рашид.
