Мындан алда Эресей Федерацияны Президенти В. В. Путинни Шимал Кавказ федерал округда Толу эркинликли келечисини Аппаратыны контроль департаментини тамадасы Сергей Никитин Къарачай-Черкесияны саулукъ сакълау министри Шаманланы Казим бла бирге ишни юсю бла Зеленчукде ара район больницагъа баргъандыла.

Ала больницаны терапия, ара стерилизацион бёлюмлеринде, ашарыкъ блокда толу ремонт къалай этилгенине къарагъандыла. Бёлюмле бла ашарыкъ блок быйыл аууз-герги (октябрь) айны 22-де ишлеб башлагъандыла.

Эсигизге салайыкъ, Зеленчук ара район больницаны толу ремонтуна ачха Къарачай-Черкес Республиканы Башчысы Темрезланы Рашидни тилеги бла Эресей Федерацияны Президенти В. В. Путинни Къыстыргъыч фондундан берилген эди.